பத்திரகிரியார் பாடல் – எக்காலக்கண்ணி   எழுத்தெல்லாம் மாண்டிறந்தே ஏகமாய் நின்றதிலே அழுத்தமாய்ச் சிந்தையை வைத்தன்பு கொள்வது எக்காலம்?   பொருள்  எல்லாம் இறந்த நிலையில் – சொல் உட்பட – ஒருமை ஓங்கும் ஆன்மாவில் சிந்தை பதிந்து அதன் மேல் அன்பு வைப்பது எக்காலம் ??   வெங்கடேஷ்:

பத்திரகிரியார் பாடல் – எக்காலக்கண்ணி   நினைக்கும் நினைவுதோறும் நிறைந்த பரிபூரணத்தை முனைக்குமேல் கண்டு கண்ணில் முத்துதிர்ப்பது எக்காலம்?   பொருள் :   நாம் நினைக்கும் போதெல்லாம் நிறைந்த முழுமையை பூரணத்தை சுழுமுனை மேல் கண்டு கண்ணில் நீர் உதிர்ப்பது எப்போது ??   ஆன்மாவைக்கண்டு எப்போது அழுவது என வினவுகிறார் சித்தர் ??   வெங்கடேஷ்

பத்திரகிரியார் பாடல் – எக்காலக்கண்ணி   கண்ணின் ஒளி பாய்ந்ததுவும் கருத்தறிந்து கொண்டதுவும் விண்ணின் ஒளி கண்டதுவும் வெளிப்படுவதும் எக்காலம்?   பொருள் : கண்ணில் இருக்கும் திருவடி பாய்ந்தது  – கண் ஒளி பிறந்தது அதனால் வித்தை விளங்கிற்று விண்ணில் இருக்கும் ஆன்ம ஒளி கண்டதும் ஆயிற்று ஆன்ம ஒளி விளங்கி வெளிப்படுவது எப்போது ??   வெங்கடேஷ்